قبل يومين كنت مخططه اروح جم معرض واخذ جم صوره ,, من ضمنهم معرض Beauty Spot Expo اللي في 360 Mall و ومعرض زين وغلا في فندق النخيل ..
بس للأسف ما حالفني الحظ وما رحت ..
قبل معرض زين وغلا بـ 3 او 4 ايام كان في اتصال بيني وبين الاخت سعاد الداود ( احدى منظمات المعرض ) وتكلمنا بخصوص لوقو للمعرض خصوصا انه المعرض الثاني لهم ومع نجاح المعرض الاول راح يكون فيه سلسله من المعارض بأذن الله
وقررت اسوي لها اللوقو بناءا على طلبها حبت يكون بشكل لؤلؤتين بيضه و سوده وصممت لها هاللوقو
وبالفعل اعجبها اللوقو المتواضع والبسيط لكن راقي واعجبني ذوقها في اختيار الفكره و حيل اسعدت بالتعرف على هالشخصيه الرائعه الاخت سعاد الداود
واليوم لما حصل لي وقت فراغ حبيت ادخل اقرا عن فعاليات المعرض خصوصا اني مثل ما عرفت المعرض برعاية جريدة الوطن وانا ادور وانبش للاسف ما لقيت الا مقاله وحده قبل المعرض وما لقيت اي صوره للمعرض او معلومات عن الفعاليات اللي صارت بالمعرض .. للاسف و العتب !!
وبحط لكم المقاله اللي كانت بتاريخ 26 اكتوبر ( يعني قبل افتتاح المعرض)
بصراحه ضاق خلقي وايد لما قريت اسم مدونتي بهالشكل iamadegirls بدال la mode girls او عالاقل lamodegirls واطلاق عليها اسم منتدى الكتروني بدال مدونه الكترونيه !!
بكل الاحوال جزيل الشكر للاخت سعاد الداود اللي اذكرتني بالشكر في هذي المقاله واللوم على محرر المقاله :)
No comments:
Post a Comment